Skáld í skólum

on .

1. nóvember

Nemendur í 5 ára - 4. bekk fengu skemmtilega og fræðandi heimsókn í morgun frá þeim Aðalsteini Ásberg og Svavari Knúti.

Er þetta hluti af verkefninu Skáld í skólum, en þeir komu og sögðu nemendum frá Reykjavíkurskáldinu Tómasi Guðmundssyni, uppvexti hans, ævi og störfum ásamt því að flytja og syngja ljóð hans. Hér má sjá fleiri myndir frá heimsókninni.

Tónleikhús

on .

26.október

Í gær, miðvikudag heimsótti tónleikhúsið Dúó og Stemma nemendur í 5 ára-4.bekk í Landakotsskóla með verkið “Veturkarlinn kominn er”.
Í verkinu bjóða Fía frænka og Dúddi veturinn velkominn og leika sér að vetrarhljóðum og ljóðum. Þau kíkja inn í fortíðina og hlusta á langspil og steinaspil, leyfa svíni og hana að leika á saxafón og fá börnin til að syngja með sér í skemmtilegum lögum. Var þetta frábær skemmtun. Hér er hægt að sjá fleiri myndir frá sýningunni.
 
 
Dúó Stemma eru Herdís Anna Jónsdóttir víóluleikari og Steef van Oosterhout slagverksleikari, hljóðfæraleikarar úr Sinfóníuhljómsveit Íslands.
 Þau spila, syngja og leika á ýmis hefðbundin hljóðfæri s.s víólu og trommur og einnig á heimatilbúin hljóðfæri m.a. hrossakjálka, skyrdós og sandpappír og margt fleira skrýtið og skemmtilegt.
 
Dúó Stemma hefur leikið barnatónleika fyrir fjöldann allan af börnum víðsvegar á Íslandi sl. 12 ár
 
Árið 2010 tóku þau þátt í í vestnorræna verkefninu “Listaleypurinn” og spiluðu tónleika fyrir mörg hundruð börn í Færeyjum og á Grænlandi og hlutu mikið lof fyrir. Þá hlaut 

Dúó Stemma viðurkenningu frá IBBY samtökunum árið 2008 fyrir framlag þeirra til barnamenningar á Íslandi.

 

Evrópski tungumáladagurinn

on .

3.október

26. september héldum við upp á evrópska tungumáladaginn. Þær Sólveig Simha, frönskukennari og Anna Guðrún Júlíusdóttir, kennari nemenda með annað tungumál en íslensku, skipulögðu verkefni þar sem nemendur skólans bjuggu til tungumálatré. Tréð stendur á gangi skólans og bjó hver nemandi til lauf sem á stendur góðan daginn á hans móðurmáli. Alls virðist okkur nemendur og starfsfólk Landakotsskóla tala 32 tungumál. Hér má sjá myndir frá þessum skemmtilega degi.

More Articles ...