Af samstarfi almennra bekkjardeilda og alþjóðlegra bekkja Landakotsskóla

Síðstliðið haust hófu 24 nemendur nám í alþjóðlegri deild innan skólans. Samstarf milli almennra bekkjardeilda og alþjóðlegra bekkja var upphaflega skipulagt með þeim hætti nemendur í systrabekkjum væru saman í  list- og verknámi og íþróttum.  Verkefnið hefur aftur á móti þróast á þann veg að tengsl hafa smám saman verið að aukast á ýmsum öðrum sviðum.

Skemmtilegt dæmi má sjá í myndinni hér að ofan þar sem 2. bekkur og B hópur alþjóðadeildar vinna saman að verklegri tilraun sem umsjónarkennarar skiptast á um að skipuleggja. Á myndinni má sjá rannsakendur gera tilraun þar sem vökvum með ólíkt fituinnihald er blandað saman. Notuð voru hversdagsleg efni, nýmjólk, léttmjólk, sápa, matarlitur, eyrnapinnar og pappadiskar. Áður en nemendur hefjast handa setja þeir fram tilgátu um hvað þeir haldi að muni gerast. Í kjölfarið skrá þeir niður það sem raunverulega gerðist, í hvaða röð var unnið og hvað var notað.