Unglingar á Egluslóðum

22. maí 2017

Nemendur unglingastigs Landakotsskóla fóru í Borgarfjörð á slóðir Egils sögu sl. föstudag. Fjörðurinn skartaði sínu fegursta í sólskini og sunnanblæ. Nemendur 10. bekkjar, sem hafa verið að lesa Eglu í vetur, sáu um leiðsögnina. Óhætt er að segja að þau stóðu sig öll með mikilli prýði. Allir nemendur unglingastigsins eiga líka hrós skilið fyrir góða umgengni og prúðmannlega framkomu. Nokkrar svipmyndir úr ferðinni má nálgast hér.