2. apríl 2019
Í síðustu viku voru þemadagar í Landakotsskóla þar sem nemendur unnu með Heimsmarkmið Sameinuðu þjóðanna. Fjölbreytt og skemmtileg verkefni voru búin til sem sett  hafa verið upp um allan skólann. Fréttabréf var unnið í kjölfarið, með ljósmyndum og stuttum lýsingum á 13 mismunandi verkefnum sem hægt er að skoða hér á íslensku. In english

Landakotsskóli er UNESCO skóli og hefur þar með skuldbundið sig til að vinna með heimsmarkmiðin og halda upp á að minnsta kosti tvo alþjóðlega UNESCO daga. Á yfirstandandi skólaári var haldið lýðræðisþing með unglingadeildinni á Degi mannréttinda barna þann 20. nóvember. 21. febrúar var haldið upp á alþjóðlegan dag móðurmáls með umfjöllun um hvað væri móðurmál og unnu verkefni í kjölfarið sem hanga á hurðum bekkjanna. Með því að smella á myndina með fréttinni er hægt að skoða fleiri myndir frá þemadögunum.

25. mars 2019

Smellið á myndina til að skoða fleiri myndir

Hópur nemenda úr 5., 6. og 7. bekk Landakotsskóla tóku þátt í Landsmóti barna- og unglingakóra sem haldið var í Grundarskóla á Akranesi helgina 15. – 17. mars. Þau sungu svo fyrir bekkjarfélaga sína og nemendur yngsta stigs í samsöng sl. föstudag.

Landsmót barna- og unglingakóra eru haldin annað hvert ár á mismunandi stöðum á landinu. Skólakór Grundaskóla var gestgjafi mótsins en um 240 börn komu saman frá 5. bekk og uppúr. Nemendur unnu saman í söngsmiðjum og héldu síðan lokatónleika í Grundaskóla sunnudaginn kl. 13:30. Öll börnin gistu í Grundaskóla.