Skákferð á slóðir Bobby Fischer

on .

12. nóvember 2018

Þann 8. nóvember síðastliðinn héldu þeir Micah og Hrafnkell með nemendur úr Skákklúbbi Landakotsskóla austur fyrir fjall og heimsóttu Bobby Fischer safnið á Selfossi. Þar fengu þau leiðsögn um safnið og fræddust um þennan bandaríska heimsmeistara í skák, hvernig kalda stríðið hafði áhrif á einvígi hans og Boris Spassky og hvernig Ísland tengist því. Eftir túrinn um safnið kepptu nemendur í skák og slógust þá einnig nemendur frá Selfossi í hópinn. Þá var haldið að gröf Bobby Fischer rétt utan við Selfoss. Hér má sjá fleiri myndir úr ferðinni.

Unesco skólaviðburður

on .

26.október 2018

Við fögnuðum Degi Sameinuðu þjóðanna þann 24. október með UNESCO skólaviðburði þar sem nemendur okkar og nemendur í Salaskóla lærðu um Heimsmarkmiðin. Frú Eliza Reid forsetafrú og verndari Félags Sameinuðu þjóðanna hvatti ungmennin til að standa vörð um þessi markmlið. Þá veitti Lilja D. Alfreðsdóttir mennta- og menningamálaráðherra þeim fjórum skólum á Íslandi sem fyrstir taka þátt í skólaneti UNESCO viðurkenningu. Og við erum einn af þeim! Til hamingju Landakotsskóli!
Auk Landakotsskóla eru það Salaskóli, Fjölbrautaskólinn í Breiðholti og Kvennaskólinn. 
Þetta er spennandi verkefni sem við erum stolt af og ætlum að standa okkur vel í að sinna því.

Við hvetjum alla til að kynna sér heimsmarkmiðin hér https://www.un.is/heimsmarkmidin/

Hér má sjá fleiri myndir frá þessum skemmtilega degi.

Þórsmerkurferð

on .

17.október 2018

Í síðustu viku héldu nemendur úr valáfanganum útivist og hreyfing í Þórsmörk ásamt fylgdarmönnum. Nutu þau veðurblíðu í fallegu umhverfi eins og sjá má af þessum fallegu myndum.

More Articles ...