Á göngum Landakotsskóla má víða sjá verk eftir nemendur skólans sem prýða hillur, glugga og veggi. Hvetjum við foreldra og aðra aðstandendur nemenda til að gefa sér nokkrar mínútur, rölta um skólann og njóta þess að skoða verkin.

Hægt er að skoða myndir af listaverkunum í myndasafni Landakotsskóla undir valstikunni Nemendur hér að ofan eða með því að smella hér.

Föstudaginn 9. september fengu 6-12 ára nemendur Landakotsskóla heimsókn frá Fjarðabyggð. Var þar á ferð 3gja manna hópur á vegum verkefnisins Tónlist fyrir alla. Berglind Agnarsdóttir sagði sögur, Jón Hilmar Kárason lék undir á gítar og Guðjón Birgir Jóhannsson skapaði margbrotna hljóðmynd sem kallaðist á við söguna.

Tónleikarnir heita Blind og voru allir áhorfendur, nemendur og kennarar, með bundið fyrir augun meðan á flutningi stóð. Er tilgangur þess sá að áhorfendur leiti inná við og geti dýpkað upplifun sýna af flutningnum án nokkrar truflunar. Nemendur og kennarar reyndu þarna nýja og áhugaverða nálgun á því hvernig má hlusta og upplifa í sameiningu.

Hægt er að skoða myndir frá tónleikunum í myndasafni Landakotsskóla undir valstikunni Nemendur hér að ofan eða með því að smella hér.