8. apríl 2017
Síðasta kennsludag fyrir páska, þann 7.apríl, komu allir nemendur og starfsfólk Landakotsskóla saman á sal. Nemendur í 5 ára - 8. bekk voru með generalprufu fyrir tónleika sem haldnir verða síðar í vor. Stóðu þau sig ótrúlega vel, jafnt við að flytja og hlusta og áttu allir saman góða stund fyrir fríið. Myndir frá samkomunni má sjá hér.
6. apríl 2017
Um helgina var tilkynnt um úrslit í stærðfræðikeppni grunnskóla sem Menntaskólinn i Reykjavík stendur fyrir. Þetta er í 16 sinn sem keppnin er haldin og aldrei hafa fleiri skólar tekið þátt. Keppnin fór fram í þremur flokkum, í 8.bekk, 9. bekk og 10. bekk og var fjöldi þátttakenda í hverjum flokki á bilinu 120 - 140. Sigríður Hjálmarsdóttir hefur ætíð hvatt nemendur sína til þátttöku og hefur þeim oft gengið vel. Að þessu sinnu varð Tumi í 10. bekk í fjórða sæti og Theresa í 8. bekk varð í þriðja sæti. Þetta er frábær árangur og óskum við þeim og Sigríði til hamingju með árangurinn.
28. mars 2017
Á þemadögum unnu nemendur í 5 ára bekk og Alþjóðadeild A saman í því að búa til risaeðlur og kenna þeim frönsku. Verkefnið tókst vel eins og sjá má myndunum hér.
