UNESCO hefur lýst þriðja fimmtudag í nóvember alþjóðadag heimspekinnar, en haldið hefur verið upp á daginn síðan 2002. Með þessu er ætlunin að draga fram gildi heimspekinnar fyrir mannlega hugsun, fyrir menninguna og fyrir hvert og eitt okkar. Sérstök áhersla er lögð á að heimspekin geti höfðað til ungs fólk, þar sem hún stuðli að gagnrýninni og sjálfstæðri hugsun og geti þar með lagt fram skerf til betri skilnings á heiminum, stuðlað að umburðarlyndi og friði milli manna. Jafnframt er hvatt til atburða og samræðna á heimspekilegum nótum.

Í Landakotsskóla var haldið upp á daginn sl. fimmtudag, 19. nóvember 2015, með sýningu á verkum nemenda, en allir nemendur í almennri deild skólans stunda nám í heimspeki í vetur. Nemendur sömdu og tóku saman fjöldann allan af heimspekilegum spurningum og staðhæfingum út frá undrun sinni sem hafa verið til sýnis á göngum skólans. Allir sem áhuga hafa á að skoða og velta vöngum yfir heimspekilegum hugverkum nemenda eru hjartanlega velkomnir að þau augum í húsakynnum skólans fram í desember.