Skýrsla stjórnar 2019

1.1.        Reglur um tölvu- og farsímanotkun í skóla

Slökkt skal á farsímum og hvers kyns hljómtækjum í kennslustundum og í matsal. Síma skal geyma í þar til gerðum skápum í 6.–10. bekk.

Reglur um símanotkun í Landakotsskóla 2019–2020

Nemendur megaekki nota farsímana sína í skólanum nema með leyfi kennara.

Ef foreldrar þurfa að ná í barn sitt er hægt að hringja á skrifstofu í síma 5108200. Ef nemendur þurfa að hringja geta þeir sömuleiðis fengið afnot af síma skólans.

Símar eru geymdir:

• á yngsta stigi í skólatöskunni þar sem slökkt skal á þeim.
• á miðstigi og unglingastigi í skápum.
• Nemendur setja símana sína þangað í upphafi dags og gæta þess að slökkva á þeim áður.
• Í dagslok fá nemendur símana afhenta aftur.
• Ef nemendur mæta seint er það á þeirra ábyrgð að muna eftir að afhenda símana.
• Sömu reglur gilda fyrir alla nemendur skólans.

Spjaldtölvur og fartölvur í kennslu, reglur um notkun og umgengni:

• Óheimilt er með öllu að taka upp hljóð/mynd í skólanum nema sem tengist verkefnavinnu
  nemenda.
• Spjaldtölvur eru einungis ætlaðar til náms, alls ekki til leikja.
• Spjaldtölvur skulu vera í kennslustofum meðan nemendur eru úti í frímínútum.
• Nemendur skulu í hvívetna hlýða fyrirmælum starfsfólks um notkun snjalltækja.

Í kennslustund ættu nemendur að:

• meðhöndla öll tæki varlega
• láta kennarann vita ef einhver búnaður virkar ekki svo hægt sé að leggja hann til hliðar
• skrá sig inn á sinn reikning og vista alla vinnu á Google Drive

Í lok kennslustunda ættu nemendur að:

• skrá sig út af reikningi sínum
• loka öllum opnum skrám og forritum
• ganga snyrtilega frá fartölvunni á tölvuvagn og stinga í samband

Nemendum er óheimilt að:

• skrá sig inn á kennaranetið
• hlaða niður og vista skrár á tækinu

·         breyta stillingum á tækinu, þar á meðal bakgrunnsmynd